لون براز الرضيع الطبيعي:
🌠لون البراز أخضر في طفلك الرضيع ؟؟
🚩اقرأي للآخر عشان تعرفي الأسباب :
👈اللون الطبيعي الشائع في الرضيع أقل من ٦ شهور و بيرضع فقط يكون البراز اصفر قوامه سائل قليلا طيعا باستثناء الأيام الأولى اللي بيكون أسود داكن
👈الطفل اللي بيرضع طبيعي ممكن يحصل عنده زيادة في سكر اللبن اللي جاي من الأم #اللاكتوز لو الأم بترضع كل مرة بثدي.مختلف ..في كل مرة الطفل بياخد سكر اللبن و مش بيوصل للبن قليل السكر كثير الدسم اللي في آخر الرضعة
👈ايوة .. لبن الأم بيتغير تركيبه خلال الرضعة الواحدة في الأول بيكون خفيف و مليء بالسكر عشان يدي طاقة للمخ و الأعضاء بعد.كده دسم قليل السكر عشان يساعد في النمو و يظبط حركة الإخراج و يقلل الانتفاخ
✅رضعي من ثدي واحد فقط خلال الرضعة الواحدة خصوصا لو لبنك كتير و ما تنقليش الطفل للثدي الآخر إلا لما يفضي ده تماما
👈لو بتاكلي خضروات.كتير هتخلي لون براز الطفل مايل للخضار بشكل كبير
✅ما تقلقيش من اللون لو مفيش معاه انتفاخ أو مغص
👈لو بدأتي تدخلي الأكل للرضيع لون البراز هيتغير و قوامه كمان
✅مع إدخال الطعام راقبي إخراج طفلك و ما تقلقيش من اللون الأخضر إلا لو مصحوب بإسهال
👈ساعات مع أدوار التعب و نزلات البرد لطفلك حركة الهضم و الإخراج بتتأثر و لون البراز بيخضر
✅ما تشتكيش من لون البراز إلا لو معاه أعراض تعب تانية